يا قلبي متخلنيش

ياقلبي متخلينيش افتح في الكلام
خليني ساكت و عيش و اصبر علي الايام
عايش و انا المجروح مكسبتش في يوم رهان
و في كل سكه بروح برجع و انا الخسران

من الجرح انا بتاخد بس عليه بقيت واخد
ياما كتير داريت و اداريت و في الاخر كله واحد
القلب خلاص دايب ياما ضاع مني حبايب
هزعل علي مين ولا مين هوة الجرح سايب

انا رايح مش راجع في طريق كله مواجع
ياما بكيت سنين بدموع العين بس ياريته نافع
ايام و بقضيها و حاجات و بعديها
ياما سامحت ناس و بقول خلاص
و ياريت بيضمر فيها

من كتر ما قلبي شاف و تعبت كتير خلاص
دلوقتي بقيت بخاف من غدر كل الناس
مبقتش عارف مين قريب و مين بعيد
و الناس الطيبين يتعدو كده علي الايد

من الجرح انا بتاخد بس عليه بقيت واخد
ياما كتير داريت و اداريت و في الاخر كله واحد
القلب خلاص دايب ياما ضاع مني حبايب
هزعل علي مين ولا مين هوة الجرح سايب

تهت و قلبي انا تاه في طريق اسمه حياه
ده الوقت مبيمشيش و امتي اعيش زي خلق الله
بسأل نفسي و اقول ليه الحال مش معدول
معدش فيه قريب ولا حبيب ارمي عليه الحمول

من الجرح انا بتاخد بس عليه بقيت واخد
ياما كتير داريت و اداريت و في الاخر كله واحد
ايام و بقضيها و حاجات و بعديها
ياما سامحت ناس و بقول خلاص
و ياريت بيضمر فيها

القلب خلاص دايب ياما ضاع مني حبايب
هزعل علي مين ولا مين هوة الجرح سايب
بسأل نفسي و اقول ليه الحال مش معدول
معدش فيه قريب ولا حبيب ارمي عليه الحمول

يــــــارب صبرني

مالك يامودى على طول زعلان كده

الاغنية دي جميلة جدا بس مالك في اية

الدنيا معاندة معايا أوي ورغم اللي وصلتله من نجاح في شغلي وحياتي العملية برده الحاجة اللي بحبها مش عارف أوصلها عايزيني أعمل أيه

معلش ان شاء الله هتوصلها ربنا يوفقك

مش حاسس إني حوصلها أبدا أنا كدة طول عمري والله من صغري أفضل فرحان بس عمر فرحتي ما كملت أبدا للأخر لازم تيجي حاجة تغير مسار حياتي كلها

لالالا ان شاء الله هتوصل لكل اللي نفسك في

يارب ياسالي

لا هتوصل

تفتكري إن فيه حد ممكن يكسر حاجز المستحيل يا رشا ويوصل للي هو عايزه

ايوه افتكر
طبعا
وكمان مش شرط عشان موصلتش فى الاول يبقى مش هتوصل دلوقتى اكيد ربنا شايف فين الاحسن
وكل تاخيرة فيها خيرة

ماهو ياريت إن دي أول مرة أحاول أوصل للي أنا عايزه أنا من زمان أوي كدة أبقي متفوق في دراستي وكل حاجة ومعرفش أدخل الكلية اللي بحبها بسبب والدي

ودلوقتي متفوق في شغلي وأخدت منصب كبير والحمد لله كنت قد المسئولية ورؤسائي في الشغل بيشكرو فيا لوالدي لما رجع من مصر وبرده مش عارف أوصل لحبي

الأول والأخير ومش عارف ليه كل حاجة أحبها أتعب أوي لغاية ما تجيلي وتقرب مني وفجأة تروح مني في غمضة عين هل الغلط مني أنا ولا أنا اللي مش عارف

أحافظ عليها ولا الدنيا كدة ولا أيه انا مش عارف بجد

بص يامودى انت متحبش اى حد
وكمان لما خلاص عارف انك قد المسئولية بجد وهتقدر تجوز وتفتح بيت ساعاتها تقدر تفكر تختار مين

قولي يارب اقدر بس أكمل حياتي من غيرها

مرسى

العفو ياقمر أنا تحت أمركم

اغنية فى منهى الجمال وانا بحبها
شكرا ليك

» من الذي افتحلة قلبي
» معرفتش اسيطر على قلبي
» مازال قلبي يحبك
» جرح قلبي اللي اتكسر
» سأكتب على قلبي ( مغلق للتعديلات )