ازاي هتتصرف في الموقف دة

تذكير بمساهمة فاتح الموضوع :

للعبه دى شفتها في بعض منتديات و لقتها لعبه مسليه وظريفه


وهي ازاي هتتصرفي لو انتي/ انت في موقف معين


وكل واحد منا ترد علي الموقف اللي قبله ويقول موقف للبعد


واللي بعده يرد عليه ويسيب موقف للي بعده برده



وهكذا تتواصل اللعبه......

انا ابدأ تعمل ايه لو شفت واحد ماشي في الشارع

و طلب منك توصف له مكان و طلع في الاخر اطرش ؟؟

ليه كده حرام عليك انت متحامل عليها كدة ليه ومالك بيها شكلك مضايقها اوي .. يلا قوليلي ياسالي لما تدخلي اعمل أيه

بص المفروض دلوقتي تكتب سؤال عشان تريحنا كلنا هههههههههههههههه

ههههههههههههههه صح يبقي حمادة يتدبس في السؤال ده

ماشي طيب مش تقوله كدة من بدري .

لو حبيبك ظلمك في يوم من الأيام وشك فيكي وبعد كدة أتأكد من الحقيقة إنك مظلومة وجه أعتذرلك . هل تسامحيه ولا لا ؟

بجد مش عارفة بس ممكن فى وقتها افكر

طيب انا عملت اللي عليا ههههههههههههههه

اسال انت بقى بدل منى

اه لقيتيلك واحد تعتمدي عليه اهو اي خدمة أدعيلي بقي بس حتي الأخ مكتبش سؤال أيه ياعم حمادة أنا أخلص من رشا تطلعلي حضرتك ولا أيه ههههههههههه

حد يكتب سؤال يالا بقي

سوري ياجماعة والله امبارح كان جالي تليفون وأتأخرت فيه ونسيت أكتب سؤال .

تعمل أيه/تعملي .... لو بعد ماخطبت واحدة سمعت انها كان ليها تجارب من قبلك وهو / هو مقالكش عليها ؟؟

لو انا متاكدة انة خلاص بطل الحاجات دي عادي جدا هقولة كان المفروض تقولي وبس اكيد هو قصدة ان خلاص دي حاجة انتهت فماحبش يقولي عليها
تعمل اية لو لقيت اللي انت مرتبط بي مع حد غيرك

أكيد حزعل ولازم حبعد عنه وأستني لما ألاقي اللي يستاهلني

تعملي أيه لو حبيتي حد أوي ومرضتيش تقوليله لإنه مكنش حاسس بيكي ولقيتيه خطب واحدة تانية حتندمي ولا حتعملي أيه

لاطبعا مش هندم عشان انا بنت ماينفعش اقول لولد انة بحبة ولامعجبة بي فاكيد من البداية لو لقيتة اني مش في دماغة اصلا ولاهعبرة وانساة خالص
الما تزعل بقي لو كلمك هتعملة اية

فين السؤال

تعمل اية لو قالولك خطيبك او خطيبتك شفناهم مع حد غيركم

لو الحد ده انا واثقة فيه يبقى اصدقه انه عمل كده
لو لواللى بلغنى ده كداب مش هصدق
وبردوا هحاول اعرف الاول منه ومن تصرفاته

برضة مافيش سؤال

لو حسيتي بغيرة علي أصحابك من أقرب الناس ليكي تعملي أيه

مش حعمل حاجة هحاول انا اقرب منهم اكتر
تعمل اية لو انت بتحب شخص جدا بس هو بيجبرك علي حاجة انت مش عاوزها

ححاول أقنعه إن الحاجة اللي هو عايزها أنا مش حقدر أعملها

تعملي أيه لو عايزة تصالحي حد عزيز عليكي اوي وأنتي اللي غلطانة فيه مش هو

هحاول اتاسفلة واقولة معلش ماتزعلش مني ماكنش قصدي واخر مرة
تعمل اية لو حبيبتك قالتلك انت مالكش حكم عليا واعمل اللي عاوزاة لا كدة لانسيب بعض

طيب هيحكم عليها فى ايه
مش حاجة يقدر يحك فيها
ولو حاجة غلط يبقى يسبها احسن

طب فين السؤال

قولى انتى
معلش

اية اكتر شئ حلو حصلك ونفسك يتكرر تاني