ازاي هتتصرف في الموقف دة

تذكير بمساهمة فاتح الموضوع :

للعبه دى شفتها في بعض منتديات و لقتها لعبه مسليه وظريفه


وهي ازاي هتتصرفي لو انتي/ انت في موقف معين


وكل واحد منا ترد علي الموقف اللي قبله ويقول موقف للبعد


واللي بعده يرد عليه ويسيب موقف للي بعده برده



وهكذا تتواصل اللعبه......

انا ابدأ تعمل ايه لو شفت واحد ماشي في الشارع

و طلب منك توصف له مكان و طلع في الاخر اطرش ؟؟

تعملي ايه بقي لو أنتي خارجة مع حبيبك وأخترتي مكان شيك كدة ورومانسي عشان تقعده فيه وجه

وقت الحساب وطبعا الويتر حيجيبله الشيك والحبيب فلوسه مكفتش وأنتي طبعا عاملة حسابك إن أنتي

خارجة مع حبيبك بقي ومش شايلة فلوس معاكي حتعملي ايه حتغسلي معاه الصحون ولا حتخلعي

هههههههههههههههههههههههههههههههه

بصراحة عندك حق بس انا مش باحترم خالص الراجل اللي يخلي بنت تدفع حتي لو ليا الحاجة دي المفروض برضة هو اللي يدفع
ههههههههه اكيد هخلع وابعتلة حد يجي يدفعلة او نتصل باي حد يجي يجبلنا فلوس هنتصرف يعني ساعتها
تعمل اية لو انت بتحب واحدة وهي بتحبك بس انت لسة قدامك كتير عشان تخطبها وهي جالها عريس هتخليها توافق ولاتستناك

علي حسب وضع أهلها وأكيد أنا حكون عايزها تستناني بس برده مقدرش أظلمها معايا

تعملي أيه لو أتخطبتي لواحد وكان بيحب قبلك ولاقيتي وانتي معاه في مرة شاف حبيبته الأولي وتنحلها

يعنى هو خطبنى وهو لسه بيحب التانية ولا سابها
ولو تنحلها طبعا عادى
اكيد بيفتكرها
انا مش بعرف اكتب سؤال

حد يكتب سؤال

طيب حتتصرفي إزاي لو بعد ماتنحلها ومشيت من قدامه لاقيتيه أسلوبه أتغير معاكي

علي فكرة السؤال ده مرتبط باللي قبله

انا عن نفسي هتعارك معاة واقولة ماتروح تكلمها احسن ولاتحب اروحلك انا واقلبها علية نكد وبس كدة
تعمل اية لو انت بتحب واحدة وواحدة تانية بتحبك وبتكلمك هتعمل اية عشان تفهمها من غير ماتجرحها

حقولها إننا نفضل أخوات وأصحاب أحسن لإني بحب واحدة تانية ومقدرش أخدعك


تعملي أيه لو أنتي وحبيبك سيبته بعض ولقيتيه في يوم جاي يعزمك علي فرحه

هقولة الف مبروك ربنا يوفقك بس مش هروح الفرح طبعا
تعمل اية لو سبت حبيبتك بس وفي يوم من الايام شفتها في الشارع هتبصلها ازاي

مش حبصلها أصلالإن حتي لو بصتلها مش حبقي شايفها

تعملي ايه لو انتي كنتي مريضة وعايزة تشوفي حبيبك وهو رفض يجيلك عشان بيخاف يدخل مستشفيات

هقولة خليك خايف ومش عاوزة اشوفك تاني
تعمل اية لو حبيبك زعلك في حاجة ومن ساعتها ماتصلش انت ممكن تتصل بي ولاهتقول لا هو اللي يتصل

لو بحبها أوي ممكن أكبر دماغي أنا وأتصل لكن لو هي مزعلاني في حاجة جامدة يعني لا هي تتصل لو مش

عايزة تشرب من شاطئ ميامي هي حرة حعملها أيه ده دلوقتي اللي بيخطب واحدة بياخد عليها واحدة

هدية هههههههههههههههههههههههههه

تعملي أنتي أيه لو حبيبك كل حاجة تحصل بينكوا يقولك خلاص أحنا نسيب بعض أحسن

هقولة انت شايف كدة وانا كمان زهقت وبصراحة دي احسن حل يعني ساعتها هو بقي هيبقي زي البوبي هيصلح كلامة معايا ويقولي مش قصدي ههههههههههههه
تعمل اية لو حبيبتك هي تبقي غلطانة وتطلعك انت اللي غلطان في كل حاجة

والله ممكن أتحمل مرة ومرة لا وأنا إنسان وليا قوة تحمل معينة لو

لقيتها سايقاها معايا أكيد طبعا مش حسكت


تعملي أيه لو لقيتي في يوم حبيبك في مكان مع واحدة تانية وأيده في

أيدها

اكيد ساعتها هيجيلي صدمة بس مش هعمل حاجة كفاية اني ابصلة بس وامشي دي كفاية قوي
تعمل اية لو قاعد مع حبيبتك ومسكت موبايلها لقيت في واحد متصل بها وهي مكلماة والواحد دة مش قريبها

هسالها مين واعرف السبب بس هكون متضايق
واعرف ليه بيتصل واخليها تتقطع علاقتها بيه او بيا ونخلص
ههههههههههههههههههههه
مفيش سؤال

حرااااااااااااااام يارشا والله أنا تعبت منك ومش كاتب سؤال بقي

المرة دي وحسيبك لسالي تتصرف معاكي المرة دي ههههههههههههههههه

هههههههههههه انتي اية مابتحرميش مافيش فايدة فيكي وانا كمان مش هكتب سؤال
ولازم انتي اللي هتكتبي بقي لما نشوف اخرتها معاكي

ههههههههههههه والله عندها حق وانا كمان مش حكتب ولو مكتبتيش سؤال

يا رشا حنطبق عليكي أحكام المنتدي ههههههههههههه

ههههههههههههههههههههههههههه
خلاص خلاص
هقول سؤال
هتعمل ايه لو لقيت شنطة فى الشارع فيها حشيش

حقول للبوليس دي بتاعة رشا وحقولهم علي عنوان بيتك ههههههههههه

السؤال ده لسالي تعملي ايه لو لقيتي رشا في وشك بكرة الصبح

ههههههههههه

هههههههههههههههههههههههههههههههه
اشمعنى سالى هو رشا دى بعبع
ههههههههههههههههههههههههههه
متخلنيش اجيلك

ههههههههه متقدريش تجيلي ده علي أساس إني في كفر الدوار ها

هههههههههههههههههههههههه ايوه سهل ماانت فى الفلاحين

ههههههههه اها صح عندك حق ماللي ميعرفش يقول ايه هههههه