مجموعة نكت جميلة جدا أتحدي حد ما يضحك

واحدة بتقول لجوزها أيه رأيك ندبح خروفين بمناسبة مرور 10 سنين علي جوازنا قالها وأيه ذنب
الخروفين في غلطة أرتكبها حمار ...

واحد مسطول طلبت منه المحكمة أي شئ يثبت ملكيته للبيت اللي هو ساكن فيه جابلهم صورته وهو بيمسح السلم ..

واحد محشش غرز بعربيته في الرمل وقفله واحد يساعده قاله معاك حبل رد المحشش قاله عاشت الأسامي ..

واحد محشش بيسأل أخوه أنت ليه أصلع قاله من الزمن قاله خلاص متحلقش عنده تاني ..

واحد بلدياتنا راح للصيدلي قاله عندك لبن أطفال سأله الصيدلي أسمه أيه قاله عبد اللطيف ..

واحد عنده ولدين وبيشك في إن واحد فيهم مش أبنه راح سأل واحد شيخ قاله أنت ترسم دائرة في مكان واسع وفاضي وتنام فيها أنت والأولاد ولما تصحي الصبح اللي تلاقيه جوه الدائرة معاك ده أبنك واللي تلاقيه برة دة أبن حراام قام لقي نفسه هو والأولاد بره الدائرة قالهم قومو قومو شكلها خربانة من أيام جدكم..

مدرس بيسأل محشش الثعلب بيبيض ولا بيولد قاله والله التعلب مخادع ومكار أتوقع منه أي حاجة ..

واحدة عجوزة في محو الأمية عندها حصة عربي فكل ما المدرسة تقول دخل عامر تغطي وشها خرج عامر تكشف عن وشها فلما روحت قالولها أيه عملتي أيه النهاردة في المدرسة قالتلهم هو عامر خلانا نتعلم أي حاجة كل شوية داخل طالع داخل طالع ..

مرة واحد أخد الدوا قبل ميعاده عشان يفاجئ المرض ..


واحدة قاعدة جنب التليفون جتلها أختها قالتلها مالك متضايقة ليه قالتلها واحد قليل الأدب كل يوم يتصل ويزعجنا والنهاردة مش عارفة ماله متصلش ليه لغاية دلوقتي ..

واحد مسكوه المخابرات بالغلط مع مسلحين سألوه أيه هي أخر عملية عملتها قالهم اللحمية ..

واحد بيقول لمراته والله مساكين بنات لبنان دمرتهم الحروب لو الواحد ياخدله واحدة منهم ياخد ثواب قالتله لا وكمان بنات الصومال مساكين برده اللي ياخدله واحدة منهم ياخد ثواب أكتر ..

سألو فرنسي وإنجليزي ومحشش أيه هو أسرع شئ في الكون رد الفرنسي الضوء ورد الإنجليزي التفكير رد المحشش الإسهال لإنه وقت ما بيجيلك ما بتلحقش تنور الضوء ولا تفكر ..

شيخ بينصح واحد سكران قاله يا بني النفس دايما تستطيب الحلال حتي أغبي الحيوانات الحمار إذا حطيت قدامة جردل مياه وجردل خمرة حيشرب أيه رد السكران المياه فرح الشيخ وقاله ليه يابني قاله عشان حمار يا عم الشيخ ..

محشش بيسأل صاحبه أنت أتولدت فين رد صاحبه قاله في المستشفي قاله ليه هو أنت كنت تعبان ..

واحد محشش خبط أتنين بعربيته واحد مات والتاني قعد يصرخ من الوجع قاله المحشش أيه ياعم ما تشوف صاحبك مات أهو ومتكلمش ..


أتمني إنهم يعجبو كل الأعضاء اللي يدخلو ويقروهم وإن شاء الله أنتظرو الجديد

ههههههههههههههههههههه بجد حلو ين قوي ميرسي ليك

hhhhhhhhhhhhhh teslam edak ya basha

حلوين اوى تسلم

ميرسي ليكوا كتير يا قمرات أحلي كلام