ساكت زىّ سُكُوت الصَّحرا
وسُكوتى،،صوتى وعنوانى
=
من30يوم مااتكلِّمتش
ولاحتّى حرَّكْت لِسانى
=
مش لاقى لُغه أتكلِّم بيها
وكلامى نسيتُه ونَسَانى
=
باصِصْ ف عينيكى وبافكَّر
سارح فيها وناسى زمانى
=
ماسك إيدك من كام ساعه
شايفِكْ قُدّامى وشايفانى
=
طول الأربعه والعشرين ساعه
باشتاق لِكْ،ساكنِك ،ساكنانى
=
إنتى معايا ف كلّ دقيقه
مش بتفارقينى لثوانى
=
البُعد،،بعيد عنّى وعنِّك
ياللى انتى اقربْ من شُريانى
=
لاانتى إنسان تانى سوايا
ولاحتى أنا واحد تانى
=
اللى بينده لى ترُدّى عليه
واللى بينده لِك يلقانى
=
..باحِنّ إليكى وانا معاكى
واشتاقْ لِكْ وانتى ف أحضانى...
=30/12/2010
التاسعة صباح الخميس
