مع باباكى دخلتى المطبخ مدخلتيش كله واحدوممكن باباكى يساعدك
انما مع جوزك مش بمزاجك هتدخلى هتدخلى
= مع بابا فى العيد بيديلك العيدية وفوقيها بوسة
مع جوزك بيقول خلاص انتى كبرتى على الحاجات دى
= مع باباكى بتنامى وتصحى وقت ماانتى عايزاه
مع جوزك وقت ماههو عايز او فى مواعيد شغله
= مع بابا بتشترى هدومك ومكياجك وكل اللى انتى عايزاه ويقولك حلو اوى عليكى
مع جوزك بيشتريلك برضه بس ماقل ودل ويقولك فلوسى ومرتبى
= مع بابا لو حصل حاجة مثلا وكنتى زعلانة بيزعل عشانك
مع جوزك بيزعل منك ويقولك ازاى تزعلى اصلا
= مع بابا كلمة حلوة ترضيه
مع جوزك
طول الليل تحايلى فيه
=مع بابا لما تدلعى عليه يفرح بيكى
مع جوزك بيقولك اكيد عايزة حاجة
= مع بابا لما تقوليله ده حصل كذا وكذا بيهتم ويصدق
انما جوزك بيقولك الموضوع ده وراه ان ويشك فى كلامك
= مع بابا لو شافك بتعيطى هيمسح دمعتك
مع جوزك هيقولك يادى النكد
=مع بابا لو حاطة مكياج فاقع شوية هيقولك الهادى عليكى احلى وانتى احلى من غيره خالص
مع جوزك هيقولك شكلك زى العروسة المولد
= مع بابا لو طلبتى دوا من الصيدليه جرى هاينزل يجيبه
مع جوزك هيسالك هو بكام الاول
= مع باباكى لو طلب منك كوباية ميه بيقولك لو سمحتى
انما الباشا هيقولك قومى هاتى ميه
= مع بابا لو بتتفرجى معاه على التليفزيزن هيسيبلك الحرية تتفرجى على اللى عايزاه
مع المحروس مفيش غير الاخبار يالكورة ياميلودى
= مع بابا لو نازل مشوار بيعملك اعتبار ويديكى خبر
مع جوزك بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل الباب ويجرى بسرعة
= مع بابا لو جالك مكالمة غلط ع الموبايل بيقولك حصل خير
مع جوزك هيعملها خناقة
= مع باباكى لو مفيش فى التلاجة غير ازازة بيبسى هيسيبهالكبنفس راضية
مع الباشا بقول معلش لازم ابلع او يقسمها معاكى
= مع بابا لو اتزحلقتى ع الارض بابا هيجرى ويشيلك
مع جوزك هيقعد يضحك ويقولك انتى مش منشفة الارض كويس
= مع بابا لو نفسك تغيرى مكان السجادة بابا هيقولك عنك دى تقيلة اوى
مع جوزك مش ضرورى جع القلب
