فتحى ودانك ياستى

<table border="0" cellpadding="0" cellspacing="0" width="100%"><tr><td colspan="2" class="hr"> </td></tr><tr><td colspan="2">طبعا كلنا عارفين الشباب اليومين دول زي مهو مش بيفضل في جيبهم مليم احمر اخر اليوم كمان مش بيفضل في رصيدهم قرش واحد حتي يدي بيه ميسد كول فزميلنا ده قرر انه يطلب من مامته فلوس علشان يشحن ولكن للاسف باباه حالف علي مامته بالطلاق لو ادتله فلوس او حتي حولتله رصيد فقرر انه يتصل بتيته علشان يطلب منها فلوس وكان الحوار كالتالي هو : إزيك يا ستى . هى : بنتى .. إيه بنتى دى يا قليل الأدب . هو : يا ستى بقولك إززززززززززيك يا ستتتتتتتتتتتتى . هى : أنت بتزعق ليه يا واد أنت أنا بافتكر بتقول بنتى . هو : بتفتكرى إيه !! هو أنتى يا ستي حتى بتفتكرى إسمك . هى : جسمك .. ماله جسمى يا قليل الأدب . هو : يا ستى إرحمينا شويه بقي وشيلى الزلط اللى فى ودانك . هى : قدامك !؟ هو إيه اللى قدامى يا واد أنت . هو : يووووووووووووه يادى النيله . هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى . هو : يا حول الله يا رب هو حد جاب سيرة البليله يا ناس . هى : القلقاس !؟ أه بأحب القلقاس أهو كله نعمة ربنا . هو : يا ستى ابوس ايديكي أرحميني أنا لا جيبت سيرة قلقاس ولا أناناس . هى : لأ لأ لأ عيب يا بنى ..عيب لما تجيب فى سيرة الناس . هو : يا ستى هو أنا جيبت في سيرة حد . هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد . هو : لا يا ستى النهارده الخميس . هى : البوليس!! وعايز منك أيه البوليس إنت عملت إيه يا منيل على عينك؟ هو : يييييه بقولك إيه يا ستى نفضى ودانك وطرطقيهم كده وإسمعينى . هى : رضعينى !! أرضعك إيه ياواد أما إنك قليل الأدب صحيح . هو : يا ستى أنا إتفطمت من زمان الحمد لله بس عايز منك قرشين كده سلف . هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون . هى : كومبيليزون !! كومبيليزون إيه يا للى مش متربى . هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن . هى : أشتم !! وكمان عايز تشتم يا قليل الأدب . هو : بقى كده يا ستى طب ماشى خدي عندك بقا !! بقولك إيه يا ستى . هى : وظيفتى .. وظيفة إيه يا بنى أنا طالعه علي المعاش من زمان . هو : رمان إنتى عايزه يا ستى تاكلى رمان . هى : أه نفسي في السمان .. هو فيه سمان دلوقتى يا بنى من بعد أنفلونزا الطيور . هو : أه العبور !! أه ده كان سنة تلاته وسبعين . هى : سامعين ؟؟ سامعين إيه خير الله إما إجعله خير هو فيه حاجه . هو : بتقولي ايه يا ستى ..عايزة قهوة سادة . هى : عياده ..عايز تودينى العيادة ليه يا بنى هو أنا عيانه . هو : صقعانه .. صقعانه ليه بس يا ستى دا حتى الجو النهاردة حر . هى : كفالله الشر !! شر إيه يا بنى اللى بتقول عليه ده . هو : بقولك إحنا على البرررررررر . هى : أه يابنى منا عارفه الخروف ليه فرو .. وبيبقي كمان تخين . هو : أه إبنك حسين !!..ماله إبنك حسين . هى : العجل سمين !! أه هانجيب إن شاء الله في العيد عجل ندبحه ولازم يكون سمين . هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه . هو : ياااااااااااااااااااااااه أخيرآ يا ستى الحمد لله .. هاتى بقى . هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد . هو : يالاهووووووووووووووووووووووووى . اناا بتهيالي ان نهايته لازم تكون في مستشفي الامراض العقليه دلوقتي عليا العوض لو انا كنت ضربتها بالنااااااااااااار </td></tr></table>
	<table border="0" cellpadding="0" cellspacing="0"><tr><td valign="middle"> </td></tr></table>
	<table border="0" cellpadding="0" cellspacing="0" width="100%"><tr><td> </td></tr></table>

الله يكون فى العون

دة جالي شلل ههههههههههههه

حرام عليكي ياسالي بجد أنتي جبتي الست دي منين أنا حاسس إن دماغي أضربت في خلاط وأتعمل منها كوكتيل بس بجد جامدة جدا تسلم أيدك .... بقولك أيه ياسالي متعرفيش أنا أسمي أيه أحسن أنا خلاص هيست ههههههههههههه ؟؟

ههههههههههه
لما افتكر اسمي الاول
بس علي فكرة مش انا اللي كاتبة الموضوع دة دي رشا

سوري يارشا بس انتي لازم تعذريني أنا بجد دماغي خلاص حاسس إنها مش في مكانها بس بجد تسلم أيدك ويارب تكون الست دي ماتت عشان نرتاح بقي منها هي وحفيدها ههههههه الأتنين مالهومش لازمة في البلد أصلا

هههههههههههههههههههههههههههههههههههههههههه
ماتت وهو كمان مات